Alebin mailan lortu zuten emaitzarik onena herriko tenislariek. Fernandorenak garaikurra lortu zuen Leire Aramburu 6-0 garaitu ostean.
Infantil mailako lehian, berriz, ez zen hainbesteko zorterik izan; Lizasok ezin izan zuen Aiara Carrera gainditu (0-6) eta bigarren postuarekin konformatu behar izan zuen.
LOKEko prestatzaileek Fernandorena eta Lizasoz gain, Arturo Olasagasti, Siria Delgado eta Nerea Odriozola ere zoriondu nahi dituzte banakako txapelketan egindako lanarengatik.
Era berean, txapelketa garaia amaitu ez dela nabarmendu dute; hilaren 26an, LOKEko eskolarteko mailako tenislariek Gipuzkoako taldekako txapelketa hasiko dute.