Herriko hainbat eragilek hartzen dute parte Euskal Inauterian, eta aurten ere ez dute hutsik egingo. Bertan izango dira Plaza Dantzako kideak, Xumelako lagunak, Kukuka antzerki eta dantza eskolako antzezle eta dantzariak eta Ttirriki Ttarrakako musikariak, besteak beste. Egoerak hala behartuta, COVID-19ak aurten ere baldintzatuko du ospakizuna, baina ziur kolorez eta alaitasunez girotuko dutela herria.
Tantxo tailerra ere bai
Lasarte-Orian Euskal Inauteririk ez da, txantxo jantzita ez bada. Horretarako, jantzia prestatzeko ikastarotxoan parte hartzeko aukera izango dute herritarrek. Data zehazteko dute antolatzaileek, baina aurreratu ahal izan dute otsailaren 14tik eta 20rako astean izango dela. Dena den, finkatu ahala jakinaraziko dute.
