Kopa lehiaketako bigarren jardunaldia jokatu zuen talde urdin-beltzeko jubenilen 1. Mailako A taldeak. Hernani izan zuen aurrez aurre etxean.
Zelaiara hotz atera arren, Mikel Puertoren jokalariek ederki baliatu zituzten gol aukerak eta azken emaitza horren erakusle izan zen, 5-0.
Talde urdin-beltzak txapelketa hasiera ona izan du. Lehen jardunaldian Ordiziarekin bana berdindu ostean, hilaren 15eko garaipeneko puntuek bere multzoko sailkapeneko lehen postura igo dute; alabaina Intxurrerekin berdindua dago, 4 punturekin.
Texas Lasartarra taldeko Kadeteen 1. Mailako taldea, berriz, igoera fasea lehiatzen ari da eta lehen bi partida gogorrei aurre egin behar izan dizkio.
Beti Ona CD A eta Burumendi izan ditu aurkari – egun sailkapeneko lehen bi postuetan dauden taldeak – eta ezin izan du punturik eskuratu. 7-2 eta 0-5 izan dira emaitzak, hurrenez hurren.
Beste emaitzak
Michelingo kirol guneko zelaian zein kanpoan gainerako taldeen emaitzak honakoak izan ziren:
- Ohorezko Erregional maila: Tolosa CF 2 - Ostadar SKT 0
- Gorengoen Maila: Ostadar SKT 2 - 2 Astigarragako Mundarro FKE
- Erregionalen 1. Maila, Igoera fasea: Segura Goierri KE 6 - Ostadar SKT 1
- Ohorezko Jubenil Maila: Orioko FT 0 - Ostadar SKT 4
- Jubenilen 1. Maila, Kopa: Amara Berri KE B 5 - Ostadar SKT B 3
- Ohorezko Kadete Maila: Antiguoko KE 1 - Ostadar SKT 0
- Kadeteen 1. Maila, Kopa: Usurbil FT B 1 - Ostadar SKT B 1 eta Ostadar SKT A 3 - Arrupe Chaminade CD B 0