Danborrada egun berezia da Urbil merkatalgunearentzat, baina ezingo du ohi bezala ospatu: pandemiaren aurretik, Larramendiko lagunek bertan jotzen zuten. Aurten 25 urte bete ditu ikastetxeak, eta horri keinua egiteko, bertako ikasleek erabiltzen dituzten jantzien erakusketa prestatu dute, eta baita aitortza egin ere: konpainiari zapi brodatu eta pin bana eman dizkie. Herritarrek larunbatera arte ikusi ahalko dute esposizioa.
Bestalde, Urbilek jakinarazi du urtarrilaren 20an zabalik egongo direla merkatalguneko establezimenduak, Donostian jaieguna izan arren.