Ernai eragile politikoak Buruntzako gurutzea eraitsi izana aldarrikatu ondotik, bere iritzia eman du Gipuzkoako PP alderdiak, Lasarte-Oriako ordezkari Alejandro Saenzen bidez. Andoain, Urnieta eta Lasarte-Oriako udalei honakoa eskatu die: Ernairen aurkako akusazio partikular gisa aurkeztea haien buruak, "ekintza biolento eta demokraziaren aurkako bat gaitzesteko".
"Baliteke norbanako eta eragile zenbait gurutzea eraistearen alde izatea, baina ez dugu ulertzen erabakia inposatzea. Buruntzaldean bizi direnei bere garaian inposatutako sinbolo baten aurka egin du, bizilagun horiei beste inposaketa bat eginez".