Osasun agintariak datuak herriz herri xehatuta ematen hasi zirenetik, koronabirusak kutsatutako 3.716 lasarteoriatar atzeman dituzte, ehun biztanletik hemeretzi pasatxo (%19,5). Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.
Beterri-Buruntza mankomunitatea osatzen duten udalerrietan 1.052 positibo zenbatu dituzte urtarrilaren 3tik 5era: 299 Hernanin, 281 Andoainen, 236 Lasarte-Orian, ehun Astigarragan, 75 Urnietan eta 61 Usurbilen.