Deialdi masiboa egin du Lasarte-Oriako mugimendu feministak ostegunerako

Ez da berria. Lasarte-Oriako mugimendu feministak denbora darama berdintasun teknikari baten beharra aldarrikatzen: "Hondarribiarekin batera, halako udal langilerik ez duen herri bakarra gara". Horren harira, ostegun honetan horren aurkako aldarria egingo dute udaletxean, eta, horrez gain, "gutun baten ahalik eta ale gehienak" sartuko dituzte udal erregistroan. Deialdi masiboa egin dute, herritarrak bertara daitezen.