COVID-19

Lasarte-Orian 90 kutsatze zenbatu dituzte astelehenetik asteazkenera

Osakidetzak eta Eusko Jaurlaritzako Osasun Sailak hilaren 20tik 22ra arteko datu epidemiologikoen berri eman dute. Tarte horretan 90 kutsatze baieztatu dituzte Lasarte-Orian, eta azken hamalau egunetan, 299. Intzidentzia tasa metatua 1.569,97 da.

Osasun agintariak datuak herriz herri xehatuta ematen hasi zirenetik, koronabirusak kutsatutako 2.735 lasarteoriatar atzeman dituzte, ehun biztanletik hamalau pasatxo (%14,4). Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.

Beterri-Buruntza mankomunitatea osatzen duten udalerrietan 373 kutsatze zenbatu dituzte azken hiru egunetan: 122 Hernanin, 90 Lasarte-Orian, 55 Andoainen, 39 Astigarragan, 35 Usurbilen eta 32 Urnietan.

Erlazionatuak

TXINTXARRI-k astean bitan eguneratuko ditu koronabirusaren bilakaerari buruzko datuak

Gizartea

Osakidetzak eta Eusko Jaurlaritzako Osasun Sailak datu epidemiologikoen berri emateko maiztasuna aldatu dute: astelehen eta ostegunero argitaratuko...