Osasun agintariak datuak herriz herri xehatuta ematen hasi zirenetik, koronabirusak kutsatutako 2.645 lasarteoriatar atzeman dituzte, ehun biztanletik ia hamalau. Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.
Beterri-Buruntza mankomunitateko kide diren udalerrietan 281 positibo erregistratu dituzte asteazkenetik igandera: 102 Hernanin, 54 Lasarte-Orian, 50 Andoainen, 33 Usurbilen, 24 Astigarragan eta hemezortzi Urnietan.
