Lasarte-Oriako Udaleko Euskara Zerbitzuak jakinarazi du 16 urtez azpiko pertsona bat bizi den etxebizitza guztietara igorri duela paperezko katalogoaren ale bat. Edonola ere, eskuorri horrek ez ditu jasotzen katalogoa.eus webgunean zerrendatzen diren 2020ko produktu guztiak, atalka antolatutako hautaketa bat baizik: DVD filmak, aldizkariak, komikiak, liburuak, jostailu eta jokoak eta gurasoentzako materiala.
Atari digital horrek 8.000 produktu ingururen erreferentziak dituela azpimarratu du Euskara zerbitzuak, eta "etengabe" berritzen dela.