Azken egunetako euriteengatik Oria ibaia hazita doan arren, ur emaria jaisten ari da, eta ondorioz, uholde arriskua txikitu egin dela iragarri du Lasarte-Oriako Udalak. Hala, ibilgailuak berriro ere lurrazpiko aparkalekuetara eraman ditzatela eskatu die lasarteoriatarrei, behin-behinean aparkaleku gisa erabilgarri jarritako espazio publikoak libre utziz. Dena den, eguraldiaren iragarpenari adi egoteko deia luzatu du.