Osasun agintariak datuak herriz herri xehatuta ematen hasi zirenetik, koronabirusak kutsatutako 2.314 lasarteoriatar atzeman dituzte, ehun biztanletik hamabi. Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.
Beterri-Buruntza mankomunitatea osatzen duten udalerrietan 262 positibo diagnostikatu dituzte azken lau egunetan: 89 Andoainen, 87 Hernanin, 37 Lasarte-Orian, 21 Usurbilen, hemeretzi Astigarragan eta bederatzi Urnietan.
