COVID-19

Lasarte-Orian 22 kutsatze baieztatu dituzte astelehenetik asteazkenera

Osakidetzak eta Eusko Jaurlaritzako Osasun Sailak hilaren 22tik 24ra arteko datu epidemiologikoen berri eman dute. Lasarte-Orian 22 kutsatze erregistratu dituzte hiru egun horietan, eta azken hamalauetan, 71. Intzidentzia tasa metatua 372,8 da.

Osasun agintariak datuak herriz herri xehatuta ematen hasi zirenetik, koronabirusak kutsatutako 2.277 lasarteoriatar atzeman dituzte, ehun biztanletik hamabi. Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.

Beterri-Buruntza mankomunitateko udalerrietan 202 positibo zenbatu dituzte astelehenetik asteazkenera: 70 Hernanin, 58 Andoainen, 23 Usurbilen, 22 Lasarte-Orian, hamazazpi Urnietan eta hamabi Astigarragan.

Euskal Autonomia Erkidegoko (EAE) intzidentzia tasa metatuak igotzen jarraitzen du: 374,64 izan da hilaren 24an. Osakidetzako ospitaleetan 179 pertsona daude ingresatuta, horietatik 36 larri, Zainketa Intentsiboetako Unitateetan. Eusko Jaurlaritzako Osasun sailburu Gotzone Sagardui-k asteon iragarri duenez, Lakuak osasun larrialdia berrezartzea aztertuko du baldin eta 50 pertsona edo gehiago badaude egoera horretan. Kopurua igotzen ari da.

Erlazionatuak

TXINTXARRI-k astean bitan eguneratuko ditu koronabirusaren bilakaerari buruzko datuak

Gizartea

Osakidetzak eta Eusko Jaurlaritzako Osasun Sailak datu epidemiologikoen berri emateko maiztasuna aldatu dute: astelehen eta ostegunero argitaratuko...