Osasun agintariak datuak herriz herri xehatuta ematen hasi zirenetik, koronabirusak kutsatutako 2.255 lasarteoriatar atzeman dituzte, ehun biztanletik ia hamabi (%11,8). Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.
Beterri-Buruntza mankomunitateko kide diren udalerrietan 194 positibo baieztatu dituzte: 68 Andoainen, 53 Hernanin, 22 Lasarte-Orian, hogeina Astigarraga eta Usurbilen eta 11 Urnietan.
Euskal Autonomia Erkidegoko hiru lurraldeetako batez besteko intzidentzia tasa 300,68 da. Osakidetzako ospitaleetan 168 pertsona daude ingresatuta, horietatik 31 larri, Zainketa Intentsiboetako Unitateetan.
