Askotariko musika instrumentu eta doinuekin alaitu dute bertaratu diren herritarren arratsaldea. Biolinak, gitarrak, txistuak, akordeoiak, zeharkako-flautak eta tronpetak jotzen fin aritu dira musikari guztiak. Kontzertuari hasiera emateko, denek batera jo dituzte hainbat abesti ezagun; Ikusi mendizaleak eta Beti eskamak kentzen, besteak beste. Giro atseginean aritu dira denak eta emanaldia ikustera joan diren herritarren txaloak jaso dituzte.