"Gaur ostalari bat izan da, bihar beste komertzio bat izango da, ondoren etxebizitza bat...eta horrela jarrai dezakegu, auskalo noiz arte". Arduradunei "beharrezkoak diren neurriak" hartzea galdegin diete ostalariek, "bandalismo mota horrek lekurik izan ez dezan gure herrian, eta ekintza horien arduradunak zigorrik gabe gera ez daitezen".
Ostalaritza Lasarte-Oria elkarteko kide batzuek komunikatua bidali dute hedabideetara, azken asteetan euren negozioetan jasan dituzten lapurretak salatzeko. "Kalte ekonomikoez gain, sekulako segurtasun eza sortu digute". Gisa horretako ekintzak zigortu ezean, Lasarte-Oria "legerik gabeko herri" bihur daitekeela uste dute. Agintariei aferan esku hartzeko eskatu diete.