Kadete Partaidetza taldeari hirugarren laurdenean egin zion ihes partidak

Ostadar SKTren Kadete partaidetza taldeko jokalaria saskira hurbiltzen.

Kadete Partaidetza mailako Ostadar SKT eta SaskiAxular partida jokatu zen, azaroaren 6an, Maialen Chourraut kiroldegian. Atsedenaldira 22-15 iritsi ostean, zorigaiztoko hirugarren laurdenak partida irauli zuen eta Donostiarrak gailendu ziren

Aitor Lasek zuzendutako taldeak gogoz hasi zuen partida. Bigarren minutuan aurretik jarri zen eta aukerak ongi  baliatuz, 22-15 iritsi ziren atsedenaldia.

SaskiAxularrek, ordea, ez zuen amore emango eta hirugarren laurdenean partida irauli zuen. Bi jokaldietan saskiratzeak lortu eta defentsa gogorra ezarri zion etxeko taldeari. Ondorioz, urdin-beltzek ezin izan zuten saskira gerturatu eta izan zituzten aukeretan ere ez zuen zorterik izan. 4-22ko partzialarekin amaitu zen laurdena.

Ostadarreko kadeteei minutuak falta izan zitzaizkien partidaren emaitza aldatzeko. Talde urdin-beltza gogor saiatu arren, SaskiAxularrek hamaika puntutako errenta ongi kudeatzen jakin zuen. Azken partziala ere etxekoentzat izan zen (14-10); partidako puntuak, ordea, Donostiara joan ziren, 40-47.

Nahiz eta emaitza aldekoa ez izan, entrenatzaileek taldean konfiantza dute eta denboraldiari begira, ilusioz beteak daude: "mentalki dituzten trabak gainditu eta gauza nahiko interesgarriak egiteko gaitasuna ikusten dugu taldean".