Kadete mailako bikotearen denboraldiko lehen garaipenaz gozatzeko aukera izan zuten Michelin Kirol Guneko pilotalekuan ziren zaletuek.
Tolosako Altuna-Tejera bikotea izan zuen aurrez aurre Beñat Olazabalek eta Xuban Urdalletak osatutako bikoteak.
Herriko pilota elkarteko gazteak nagusi izan ziren hasieratik eta erraz gailendu ziren, 22-8.
Intzako 3. Mailako Nagusien bikoteak ere partida ederra egin zuten Oiarperen aurka.
Jon Pello Artetxe eta Mikel Elolak eroso jokatu zuten eta aurkariek ezin izan zuten ezer egin. 5-22 irabazi zuten partida.
Garaipeneko bi puntuei esker, bere multzoko lehen postuari eusten dio bikoteak. Lehen fasea amaitzeko bi partida falta dituzte.