Osakidetzak eta Eusko Jaurlaritzako Osasun Sailak koronabirusaren hedatzeari buruzko datuak eguneratu dituzte. Larunbatean, 3.685 proba diagnostiko gauzatu zituzten Euskal Autonomia Erkidegoan eta haietako 72 positiboak izan ziren. Hortaz, positibo tasa %2,0 da. Kutsatu berrietako 30 Gipuzkoan antzeman zituzten, 28, Bizkaian; 9, Araban; eta beste toki edo erkidegotako bost. Halaber, azken 24 orduetan, COVID-19ak eragindako 13 lagun ospitaleratu zituzten eta 39 gaixo daude ZIUetan.