Zerbitzu digital horren bidez, erabiltzaileen eta administrazioaren arteko izapideak egitea erraztu nahi du udalak. "Gaur egungo egoeragatik derrigorrezkoak diren aurretiko hitzorduen tramitazioak arintzea da xedea, teknologia berrien bidez".Herritarren batek zalantzarik izango balu zerbitzua erabiltzean, kirol zerbitzuak gidak jarri ditu Maialen Chourraut kiroldegian zein Michelin kirolgunean.
Lasarte-Oriako Udal Kirol Zerbitzuak jakinarazi du bihartik aurrera posible dela tramiteak presentzialki egiteko orduak sarean erreserbatzea, webgune honetan: www.tramiteak.buruntzaldea.eus. Maialen Chourraut kiroldegian dago bulegoa. Erabiltzaileei ez zaie arrotza egingo sistema, herriko instalazioak erabiltzeko aplikazio bera izango baita. Internetera konektatu daitekeen gailuren bat beharko dute herritarrek, hala nola, ordenagailua edo sakelako telefonoa.