Bulegora joateko ordua hartzeko webgune bera erabili beharko dute herritarrek aipatutako instalazioren bat erreserbatzeko: www.tramiteak.buruntzaldea.eus. Ordainketa ere sarean egin daiteke, atari horretan bertan. Sistema "segurua" dela bermatu du udal kirol zerbitzuak.
Bazkideak direnek bi aukera izango dituzte guneak hartzeko. Horietako bat da pista erreserbatzea eta tarifa ordaintzea, erabili baino zazpi egun lehenago, gehienez. Bestea, betiere erabili nahi den espazioa libre badago, jokatzen hasi baino ordu laurden lehenago (ez beranduago) gerturatzea kiroldegiko edo kirolguneko harrerara, eta eskaera egitea.