Osakidetzak eta Eusko Jaurlaritzako Osasun Sailak koronabirusaren egoerari buruzko datuak eguneratu dituzte. Atzo, Euskal Autonomia Erkidegoan 4.345 proba diagnostiko egin zituzten eta horietako %5,3 positiboak izan ziren. Hortaz, 229 kutsatze baieztatu zituzten: 100 Gipuzkoan eta Bizkaian; 27, Araban; eta gainerako biak beste toki edo erkidegotako herritarrak dira. Ospitaleen egoerari dagokionez, azken 24 orduetan COVID-19ak eragindako 22 pertsona ospitaleratu dituzte eta 68 gaixo daude ZIUetan.