Tucas de Ixeia inguruko bideetan barrena 42 kilometroko ibilbidea egin zuten parte-hartzaileek uztailaren 24an. Bidean Estóseko eta Angel Orus aterpetxeak igaro zituzten eta guztira, 2.500 metroko desnibel positiboa izan zuten.
Gonzalezek 7:21:55 behar izan zuen ibilbidea egiteko. Sailkapen orokorreko 161. postuan eta beterano mailako 53.ena eskuratu zituen.
Aguadok, berriz, 8:02:28 behar izan zituen Benasqueko helmugara iristeko. emakumeen mailan 21.ena izan zen eta beterano mailan, hamargarrena.
Mendi Festa
Lasarte-Oria Trail Mendi elkarteak 3. Mendi Festako izena ematea irekia dagoela gogorarazten du. Proba irailaren 26an egingo da eta hiru ibilbide izango dira. Informazio gehiago elkartearen sare sozialetan, zein webgunean dago eskuragarri. Izena ematea www.kronoak.com orrialdean egin behar da.