Furundarenak jauzi hirukoitzeko hirugarren postua eskuratu zuen, 12,54 metroko jauziarekin. Rekondo, berriz, zortzigarren sailkatu zen, 38,38 metroko jaurtiketarekin.
Biek helburuak bete zituztela adierazi du Oskar Goikoetxea entrenatzaileak. "Biek denboraldiko sailkapenean zuten postua hobetu zuten txapelketan eta pozik gaude".
Ordizian ere lehia
Bestalde, uztailaren 10ean, Ordizian antolatu zen proba librean Ostadar Atletismoko Maider Abete eta Enara Gonzalezez gain, Atletico San Sebastianeko Nerea Eugi eta Renteria taldeko Jose Ramon Latorre herritarrak lehiatu ziren.
Enara Gonzalezek luzera-jauzi proban parte hartu zuen eta bere marka ondu zuen 5,73 metroko jauziari esker.
Gainerako herritarrak 100 m. lasterketako saioetan borrokatu ziren. Eugik 12,70 s. behar izan zituen proba egiteko; Abetek, 13.09 s. eta Latorrek, berriz, 11.64 s.
Denboraldiko irakurketa
Txapelketa hauek denboraldiko azkenak izan dira Ostadar atletismo taldeko kideentzat. Horregatik, denboraldiko irakurketa paregabea egiten dute atletismo taldeko arduradunek. Eta hurrengo denboraldian, eskola-mailako gaztetxoek ere lehiatu ahal izatearen esperantza dute.