Aurten ere ez da San Pedro Jairik egongo. Ekintza kulturalak izango dira ekaina eta uztailean zehar, harritu al zaituztete udalaren erabakiak?
Erabakia ulertzen dugu. Gaur eguneko egoera kontutan hartuta, erantzukizunez jokatzeko unea da.
Aterpeak, ohikoa denez, komertzioak apaindu eta sardina-jana prestatzen du. Zein asmo duzue aurten?
Establezimenduko erakusleiho guztiak apaintzea gustatuko litzaiguke. Anima zaitezte! Jendearen gogoa indartzeko eta herriari festa giroa ematen laguntzeko modu bat da.
Eta datorren urtean sardin-jana merezi duen bezala ospatzea espero dugu!
Zein mezu bidali nahi diezue herritarrei bigarren sanpedro berezietan?
Lasarteoriatar guztiei erantzukizunez eta ahal den neurrian sanpedro berezi hauek ahalik eta hobekien ospatzea opa diegu. Gora San Pedro Jaiak eta Gora Lasarte-Oria!