Fasez fase garatuko du proiektua Udalak, eta bide horretan, lasarteoriatarren iritziak eta ekarpenak jaso nahi ditu, oraingoz, www.lasarte-oria.eus web-orrian zintzilikatu duen inkesta digital baten bitartez. Maiatzaren 21ean jarri zuten martxan, eta hilabetez bete ahalko da; hau da, ekainaren 21era arte, astelehenarekin.
Aportazioak egiteko tartea irekita dagoela-eta, horretan parte hartu dezaketela gogorarazi die Udalak herritarrei. Egitasmoa osatzen joan ahala, parte hartzea sustatzeko saio gehiago egingo ditu; horietako batzuk aurrez aurrekoak izango dira.