Erloju kontrako proba izan zen Lekeition jokatutakoa. Herritarren bi eskifaiak hirugarren multzoan lehiatu ziren Orio eta Donostiarra Kaiarribarekin batera.
Orio izan zen garaile, 11:38,50 denborarekin. Hondarribiak hirugarren denbora onena lortu zuten, 11:52,03; Arraun Lagunakek, berriz, bosgarrena, 12:05,65, bigarren multzoan lehiatu zen Tolosaldeak gainditu baitzuen.
Euskotren Liga
Uztailaren 3tik aurrera lehiatuko den Euskotren Ligako lau eskifaiek osatu zuten Lekeitioko ikurriñeko hirugarren txanda.
Lau eskifaiak A Coruñan emango diote hasiera Ligari eta Gipuzkoa, Bizkaia eta Kantabriako kostaldeko hainbat herritan antolatu diren hamalau proba lehiatuko dituzte.
Azken bi estropadak, irailean Play offa Bermeo eta Portugaleteko uretan jokatuko dira. Bertan jakingo da zeinek lortzen duen garaikur nagusia, baita zein talde mantendu edo jaitsiko den mailaz ere. Azken bi urteetan, Hondarribia Igogailuak eskifaia izan da jaitsiera lehian borrokan eta maila mantentzea lortu du bietan.
Liga hasi bitartean, ekainaren 13an, igandea, 11:00etatik aurrera, Donostiako uretan indarrak neurtzeko aukera berria izango dute lau traineruek, Gipuzkoako txapelketa.