KUTXA BIRA
Doinua: Haritzaren memoria
Herriz herri berpiztuaz
ahuldutako argia
“kutxa-bira” da ametsez
hornitutako habia.
Gure alea jarri nahi dugu
euskaradun geroa helburu
ez dadin eten haria
hori baita gure buruari
hizkuntzari eta munduari
zor diegun oparia.
Hitzan oinarritzen denez
gure herri izaera
altxor bat bailitzan zaindu
behar genuke euskera
Viedmatik hasita Baionara
eta Baionatik Segurara
alde batetik bestera.
Joan daitezela eskuz esku
ahal bezain goxo eta estu
gure ametsak aurrera
Ustekabean lehertu zen
krisi internazionala
ta handia da eragin
dun hutsune kulturala,
bildu ezina denez katea
guk egin ezin dugu bidea
kaxak burutu dezala.
“Kutxa-bira” da zaurientzako
zein identitatearentzako
sendagai emozionala.
Gara helburu berdina
duten horrenbeste lagun
hari solteen loturaz
sare bat sortu dezagun.
Mundua bizi bada borrokan
iparra galtzear dagon hontan
batera behar da jardun;
gure alde batu eta ekin
Ipar zein Hegoak elkarrekin
hegoak zabal ditzagun.
Pausu berriz hurbilduta
ahanzturen lokarrira
hitza bada gure lurra
lore berri bat hazi da.
Zaindu dezagun erein duguna
gure esku dago etorkizuna,
eraiki daigun neurrira.
Oreka ezean euskarria
herri libre baten aldarria
horixe da "kutxa-bira".
