Igandean, maiatzaren 16an, Ostadar Inklusio taldeko Ander Altunak Pilota Egokituko Master Cup txapelketako finala jokatu zuen, Getarian. Beñat Lizaso oiartzuarra izan zuen bikote eta txapela jantzi zuten. Meunier eta Cabanneri bikote lapurtarra izan zuten arerio eta 25-15 gailendu zen Altuna-Lizaso bikotea. Beñat Lizasok sekulako erakustaldia eman zuen neurketan eta bere jardunak erabaki zuen partida. Ezker-eskuin bikain astindu zuen pilota eta, gaur gaurkoz, koxka bat gorago dagoela erakutsi zuen.