Honako eremu hauetan jarriko ditu barandelak eta eskudelak Udalak: Zumaburun (Palomo Linares elkartera jaisteko bidean eta 12. zenbakia duten garajeetara jaistekoan); Arranbide kaleko 14 eta 16 eraikinen artean; Antxota kalea 2 zenbakian; Bista-Eder parkean (Parapetoa zenaren inguruan); eta Kale Nagusiko biribilgunean, Beko Kalerantz.
Udalerriko zenbait tokitan "irisgarritasuna eta segurtasuna hobetzeko asmoz", Lasarte-Oriako Udalak baranda eta eskudel batzuk jarriko ditu; neurketak egiten ari da orain. Tresneria horren hornidura eta instalazioa Herreria El Campillo SL enpresari esleitu dizkio; aurrekontua 53.056,62 eurokoa izango da.