Udalak aurreratu duenez, ekaineko eta uztaileko programazioan "era askotako ikuskizunak" sartuko dituzte: kontzertuak, bakarrizketak, kale-antzerkiak, eta abar. Adin-tarte guztietako herritarrentzako jarduerak antolatuko dituzte. "Osasun- eta segurtasun-neurri guztiak zainduko ditugu, eta oso kontuan izango dugu unean-unean zer nolakoa den Lasarte-Oriako egoera epidemiologikoa".
Lasarte-Oriako Udalak ohar bidez jakinarazi berri duenez, bertan behera utzi ditu 2021eko San Pedro Jaiak, horiek "normaltasunez" ospatzeko modurik ez dagoelako, COVID-19ak eragindako egoeraren ondorioz. "Herria biziberritzeko beharraz" jabe dela adierazi du erakundeak, eta ekainean eta uztailean zehar egingo diren jardueren programa prestatzen ari dela Festen batzordea.