Literatura-lehiaketara lanak aurkezteko epea zabalik

2019ko literatura-lehiaketako parte-hartzaileak eta saridunak, sari-banaketa ekitaldian

Lasarte-Oriako Udalak zabaldu du literatura-lehiaketara lanak aurkezteko epea. Maiatzaren 21era arte izango da horretarako aukera, eta, gogorarazi dute lehiaketara aurkezten diren lanak jatorrizkoak izan beharko dute. Sari banaketa, azaroan egingo dutela ere iragarri dute

Urtero bezala, gaztelaniazko zein euskarazko poesiarako, ipuinetarako eta mikro-kontakizunetarako sariak banatuko ditu aurten ere udalak. Maiatzaren 21ean amaituko da 2021eko literatura-lehiaketara lanak aurkezteko epea.

Bi kategoriatan banatuko dute lehiaketa: haurrentzako lehiaketa eta helduentzakoa. Honako hauek dira kategoria bakoitzean lehiatu ahal izateko baldintzak, aukerak eta sariak. 

  • Haurrentzako kategoria: 
    • A kategoria: 2012. urtean eta hurrengoetan jaioak.
      • Euskarazko ipuina (gai librea, gutxienez folio bat)
    • B kategoria: 2009, 2010 eta 2011. urteetan jaioak
      • Euskaraz ipuina (gai librea eta gutxienez bi folio)
    • C kategoria: 2006, 2007 eta 2008. urteetan jaioak: 
      • Euskaraz ipuina (gai librea, gutxienez hiru folio)
      • Poesia euskaraz (gai eta metrika libreak, gutxienez 60 bertso-lerro)

Espezialitate eta kategoria bakoitzeko sari hauek zehaztu dituzte:

  • 1. saria: 200 euro eta diploma.
  • 2. saria: 150 euro eta diploma.
  • 3. saria: 100 euro eta diploma.

 

  • Helduentzako kategoria:
    • Poesia euskaraz. Gai, metrika eta hedadura libreak. 
      • Saria: 650 euro eta diploma.
    • 1995 eta 2005 urte bitartean jaiotakoentzat euskarazko poesiako Lasarte-Oria saria. Gai, metrika eta hedadura libreak.
      • Saria: 650 euro eta diploma.
    • 1995 eta 2005 urte bitartean jaiotakoentzat gaztelaniazko poesiako Lasarte-Oria saria. Gai, metrika eta hedadura libreak.
      • Saria: 650 euro eta diploma.
    • Mikro-kontakizuna euskaraz. Gai librea eta gehienez 1.500 karaktere zuriuneak barne hartuta. 
      • Saria: 650 euro eta diploma.
    • 1995 eta 2005 urte bitartean jaiotakoentzat euskarazko mikro-kontakizuneko Lasarte-Oria saria. Gai librea, gehienez 1.500 karaktere zuriuneak barne hartuta. 
      • Saria: 650 euro eta diploma.
    • Mikro-kontakizuna gaztelaniaz. Gai librea eta gehienez 1.500 karaktere zuriuneak barne hartuta. 
      • Saria: 650 euro eta diploma.
    • 1995 eta 2005 urte bitartean jaiotakoentzat gaztelaniazko mikro-kontakizuneko Lasarte-Oria saria. Gai librea, gehienez 1.500 karaktere zuriuneak barne hartuta. 
      • 650 euro eta diploma.

Jakinarazi dutenez, sari-banaketa azaroaren 20an egingo dute.