Lehian hilabeteko atsedena izan ostean, Ostadar Boleibol taldea kantxara itzuli zen apirilaren 24an. Martxoan hasitako garaipenaren bidea jarraitzeko asmoarekin aurkeztu zen Asier Acuriolaren taldea Mons kiroldegiko neurketara. Kostkasek, ordea, ez zien lana erraztu. Nahiz eta Ostadar Boleibol taldea saiatu, ez zen nahikoa izan Donostiako taldea garaitzeko eta 3-0ko (25-18; 25-12; 25-19) markagailuarekin amaitu zen partida
Porrotak ez ditu Ostadar boleibol taldeko kideak atsekabetu, partidetan eta entrenamenduetan akatsetatik ikasten jarraitu behar dutela argi baitute.
Asteburu honetan, talde urdin-beltzak ez du jardunaldirik izango. Hurrengoan berriz, maiatzaren 8ko asteburuan, Fortuna B taldea izango du arerio Asier Acuriolak zuzentzen duen taldeak.