Osakidetzak eta Eusko Jaurlaritzaren Osasun Sailak emandako datuen arabera, larunbatean, 9.442 proba diagnostiko egin zituzten Euskal Autonomia Erkidegoan. Horietatik 761 positiboak izan ziren, hau da, testen %8,1. Kutsatu berri horietako 288 Gipuzkoan atzeman zituzten, 368, aldiz, Bizkaian, eta 98, Araban. Gainerako zazpiak beste erkidego edo toki batzuetako herritarrak dira. Bestalde, COVID-19ak eragindako 55 pertsona ospitaleratu zituzten atzo eta 121 gaixo daude ZIUetan.