Gipuzkoan 343 kutsatze berri baieztatu dituzte ostiralean

Koronabirusaren hedapenaren datu nagusiak eguneratu dituzte Osakidetzak eta Eusko Jaurlaritzaren Osasun Sailak. Ostiralean, 10.289 proba diagnostiko egin zituzten Euskal Autonomia Erkidegoan eta haietako %8,9 positiboak izan ziren, hau da, 920 kutsatze berri erregistratu zituzten. Lurraldeka banatuta, Gipuzkoan 343 atzeman zituzten; Bizkaian, 436; eta Araban, 126; gainerako hamabostak beste erkidego edo toki batzuetan bizi diren pertsonak dira. Bestalde, Osakidetzako erietxeei dagokienez, COVID-19ak eragindako 93 lagun ospitaleratu zituzten atzo eta 115 gaixo daude ZIUetan.