Lasarte-Oria, Lasarte-Oria
Antzerkiaren aldeko aldarrikapenak mundu osoan zehar zabalduko dira martxoaren 27an, diziplina artistiko horren nazioarteko egunean. Lasarte-Oriara ere iritsiko dira, Kukuka antzerki eta dantza eskolaren eskutik. Indarrean dauden osasun-neurriak aintzat hartu, eta egoerara moldatutako egitaraua prestatu dute:
- 10:00etatik 11:30era, nerabe eta helduentzako antzerki-tailerrak egingo dituzte. Sasoeta eta Garaikoetxea-Landaberri ikastetxeak,
- 12:00etan, Martintxo euskararen bila ipuin antzeztua eskainiko du Xabi Terronesek. Sasoeta ikastetxeko gimnasioa, .
- 17:00etatik 19:00etara, Kukuka antzerki eta dantza eskolako antzerkiko ikasle eta irakasleek emanalditxoak eskainiko dituzte.
Okendo plaza.
Antolatzaileek jakinarazi dutenez, ekintza guztietako aforoa mugatua izango da, eta beharrezkoa izango da aurrez izena ematea, telefono honetan: 655 84 73 45.