COVID-19

Gipuzkoan 118 kutsatze berri atzeman dituzte ostegunean

Koronabirusaren hedapenai buruzko datuak eguneratu ditu Eusko Jaurlaritzaren Osasun Sailak eguerdian. Jai eguna izanda, ez du astegunetako txostenik argitaratu; zenbateko orokorrak, baizik. Ostegunean, 8.594 proba diagnostiko gauzatu zituzten Euskal Autonomia Erkidegoan eta haietako 466 positiboak izan ziren, %5,4a. Kasu berrietako 118 Gipuzkoan atzeman zituzten, 242, Bizkaian;  eta 99, Araban. Gainerako zazpiak beste erkidego edo toki batzuetako herritarrak dira. Ospitaleei dagokienez, COVID-19ak eragindako 32 lagun ospitaleratu zituzten atzo eta 92 daude EAEko ZIUetan.