Lasarte-Oriako Sarek jakinarazi du Jabi Gallaga presoa Zaragozako Daroca espetxean dagoela astearteaz geroztik. Cordobako espetxean ia hamazazpi urte zeramatzan preso herritarrak, isolamenduan.
Mikel Gallaga preso lasarteoriatarraren anaiak Lasarte-Oriako Sareri azaldu dionez isolamenduan edukiko dute, baina ez dakite baldintza horretan noiz arte mantenduko duten.
Senideak "urduri eta kezkatuta" egon direla ere jakinarazi du Sarek: "Horrelakoetan pasa ohi den urduritasun eta kezka pasa dugu familiak, inolako berririk jaso gabe".