Lilatoi lasterketarik izan ez den arren, Euskal Herriko, zein nazioarteko hainbat txokoetara iritsi da lasterketaren aldarrikapena. Korrika, oinez, ipar martxa eginez, patinetan edo handbike-arekin bost kilometroko ibilbidea egin dute 5.700 bat emakumek martxoaren 4tik 8ra. Bihar sailkapen ofiziala argitaratuko dute Lilatoiko webgunean zozketetako irabazleekin batera; behin-behineko emaitzak zintzilikatu zituzten asteartean eta korrika mailako sailkapenean Maite Salazar herritarra dago buru. Martxoa amaieran, sare sozialen bitartez bidalitako argazkien bideoa zintzilikatuko dute antolatzaileek.