Koronabirusaren hedapenari buruzko datuak eguneratu berri dituzte Eusko Jaurlaritzaren Osasun Sailak eta Osakidetzak. Ostiralean, 7.012 proba diagnostiko egin zituzten Euskal Autonomia Erkidegoan, eta haietako 307 positiboak izan ziren, alegia, % 4,3a. Kutsatu berrien lurraldekako banaketa honakoa da: Gipuzkoan, 90; Bizkaian, 157; Araban, 56; eta gainerako lauak EAEtik kanpoko herritarrak dira. Ospitaleei dagokienez, COVID-19ak eragindako 48 lagun ospitaleratu zituzten atzo eta 115 gaixo daude ZIUetan.