Beterri-Buruntza eskualdean lau kasu zenbatu zituzten atzo, bina Andoainen eta Lasarte-Orian. Hortaz, gainerako udalerrietan egoera bere horretan mantendu da.
Euskal Autonomia Erkidegoan 7.164 proba diagnostiko egin zituzten ostegunean eta haietatik 323 positiboak izan ziren. Beraz, positibo tasa % 4,5 da. Kasu berrien lurraldekako banaketari dagokionez, Gipuzkoan 88 zenbatu dituzte; Bizkaian, 163; Araban, 67; eta gainerako bostak erkidegotik kanpoko herritarrak dira.
Ospitaleei dagokionean. COVID-19ak eragindako 260 lagun daude EAEko ospitaletan. Atzo, 56 lagun ospitaleratu zituzten eta 118 gaixo daude ZIUetan.