Manuel Lekuona kultur etxean elkartu ziren udal ordezkariak eta Erriberan bizi diren bizilagunak martxoaren 2an, asteartearekin. Azalpenen ostean, 3Dn egindako bideo bat erakutsi zieten Valdiviak eta Rosalesek herritarrei. Horretan ikusi zuten, besteak beste, bidegorri batek zeharkatuko duela kale hori, eta Askatasunaren zein Zumaburuko parkeetakoekin bat egingo duela.
Ekarpenak egiteko aukera
Aurkezpen horretan zalantza eta ekarpenak plazaratu zituzten auzokideek. Horrez gain, aukera dute ideiak eta bestelakoak plazaratzeko, martxoaren 16ra arte, asteartez, egun hori barne. Horretarako, dokumentu bat bete eta Udal Erregistroan entregatu beharko dute. Tramite hori presentzialki egin nahi izanez gero, aurrez hitzordua hartu beharko dute 943 37 60 55 telefonoan.
[DOKUMENTUA] Erribera kalea berrurbanizatzeko aurreproiektuari buruzko planoak eta galdetegia