Koronabirusaren hedapenari buruzko datuen eguneraketa egin du eguerdian Osasun Sailak. Larunbatean 6.611 proba diagnostiko egin zituzten Euskal Autonomia Erkidegoan eta 269 positiboak izan ziren, ondorioz, positibo tasa %4,1 da. Gipuzkoan 47 kutsatu berri erregistratu dituzte; Bizkaian, berriz, 172; eta Araban, 49. Ospitaleei dagokienez, COVIDaren ondorioz 42 pertsona ospitaleratu zituzten atzo eta 121 gaixo daude ZIUetan.