Eusko Jaurlaritzaren Osasun Sailak emandako datuen arabera, atzo, 8.880 proba diagnostiko egin zituzten Euskal Autonomia Erkidegoan, eta haietatik, 423 positiboak izan ziren. Hortaz, positibo tasa %4,8 da. Erregistratutako kutsatu berri horietako 115 Gipuzkoan atzeman zituzten, 242 Bizkaian, 58 Araban, eta zortzi EAEtik kanpokoak dira. Ospitaleei dagokienez, COVID-19ak eragindako 31 lagun ospitaleratu zituzten atzo eta 170 gaixo daude ZIUetan.