Beterri-Buruntza eskualdeko udalerrietan hamasei kutsatze diagnostikatu dituzte otsailaren 10ean: Lasarte-Orian, bederatzi; Hernanin, hiru; Astigarragan, bi; Urnietan eta Usurbilen, bana; eta, Andoainen, bakar bat ere ez. Sei herri horietatik hiruk gune gorrian jarraitzen dute, gureak barne, 677,34ko intzidentzia tasa metatuarekin.
EAEko hiru lurralde historikoetan 684 kasu atzeman dituzte azken 24 orduetan, horietatik 187 Gipuzkoan. Osakidetzako beharginek 13.820 PCR eta antigenoen proba egin dituzte, positiboak izan dira ehunetik ia bost.
