Otsailaren 11n elkartuko dira udal korporazioa osatzen duten alderdietako kideak udaletxeko pleno aretoan, urteko bigarren hilabeteko ohiko saioa egiteko. Aforoa nabarmen mugatu den arren, herritarrek aukera dute udalbatzarra zuzenean jarraitzeko: Udal Erregistroan eskatu beharko dute, edo formulario bat bete eta erregistroa@lasarte-oria.eus helbide elektronikora bidali.
Lasarte-Oriako Udalak streaming bidez eskainiko du saioa, haren YouTube kanalean. Udalbatzarra 18:30ean hasiko da, ohi bezala. Gai-zerrenda honako hau da:
- 2020ko irailaren 10ean, urriaren 8an eta urriaren 30ean egindako bilkuretako akten onarpena.
- 2020 ekitaldian kredituak aldatzeko gaur arte bideratu diren dosierren berri-ematea.
- Galdera eta erreguen txanda.