COVID-19ak kutsatutako 632 kasu berri daude EAEn

Eusko Jaurlaritzaren Osasun Sailaren datuen arabera, larunbatean 632 positibo erregistratu zituzten egindako 10.104 proba diagnostikoen bidez. Hortaz, positibo tasa % 6,3 da. Gipuzkoan atzeman zituzten kutsatu berrietako 217, Bizkaian, berriz, 304, Araban, 100, eta gainerako hamaika kasuak erkidegotik kanpo bizi diren herritarrak dira. Horrez gain, 57 lagun ospitaleratu zituzten atzo eta 161 gaixo daude ZIUetan.