Erkidegoan 947 positibo atzeman dituzte azken 24 orduetan

Koronabirusaren hedapenari buruzko azken datuen berri eman du Eusko Jaurlaritzaren Osasun Sailak. Horien arabera, atzo egindako 15.291 proba diagnostikoetako 947 positiboak izan ziren, alegia, positibo tasa %6,2 da. Kutsatu berri horietako 264 Gipuzkoan erregistratu zituzten, Bizkaian, berriz, 545 izan ziren, eta Araban, 130. Gainerako zortzi kasuak beste erkidego edo herrialde batzuetan bizi diren herritarrak dira. Ostiralean COVID-19ak eragindako 84 lagun ospitaleratu zituzten eta ZIUetan 163 gaixo daude.