Eusko Jaurlaritzaren Osasun Sailak eta Osakidetzak eguerdian jakitera eman dutenez, ostiralean, 835 positibo berri atzeman zituzten Euskal Autonomia Erkidegoan. Guztira 11.255 proba gauzatu zituzten, beraz, positibo tasa %7,4 da. Kutsatu berri horietako 228 Gipuzkoan diagnostikatu zituzten; 479, Bizkaian eta 112, Araban. Gainerako hamaseiak beste erkidego batzuetako herritarrak dira. Ospitaleei dagokienez, COVID 19ak eragindako 74 lagun ospitalertau zituzten atzo eta 86 gaixo daude ZIUetan.