Eskualdeko herrietan atzemandako kasuen kopurua jaitsi egin da urtarrilaren 13an, bezperakoekin alderatuta, Hernanin izan ezik. Guztira, 25 positibo detektatu dituzte asteazkenean: Andoainen bederatzi kasu atzeman dituzte; Lasarte-Orian, zazpi; Hernanin, sei; Usurbilen, bi; Astigarraga, bat ere ez eta Urnietan, bat.
EAEko hiru probintzietan 771 kasu detektatu dituzte asteazkenean (bezperan 735 izan ziren), horietatik 209 Gipuzkoan. Positiboak hautemateko egin diren PCR eta antigenoen proba guztietatik, %5,9 izan dira positiboak. Gogoratu, OME Osasunaren Munduko Erakundearen arabera, positibotasun tasak %5ekoa edo baxuagoa izan behar duela pandemia "kontrolpean" dagoela esan ahal izateko.